రావ‌య్యా.. ప‌వ‌ర్ స్టారూ.. రావ‌య్యా!

ప‌వ‌న్ క‌ల్యాణ్ అశీస్సులుంటే సినిమాల‌న్నీ సూప‌ర్ హిట్టే అని పరిశ్రమ న‌మ్ముతోంది. ఈ విష‌యంలో ప‌వ‌న్ క‌ల్యాణ్ దీవెన‌ల్ని సంపాదించి హిట్లు కొట్టిన నితిన్ అంద‌రికీ ఆదర్శం. ఇప్పుడు వైవిఎస్ చౌద‌రి కూడా ప‌వ‌న్ ఆశీస్సుల కోసం ప‌రిత‌పిస్తున్నాడు. వైవిఎస్ స్వీయ దర్శక‌త్వంలో తెర‌కెక్కుతున్న చిత్రం.. రేయ్‌. ఈ సినిమాకి ఇప్పటికే బోలెడంత ఖర్చు పెట్టేశాడు. అయినా షూటింగ్ పూర్తి కాలేదు. ఈ సినిమాని గ‌ట్టున ప‌డేయాలంటే ప‌వ‌న్ క‌ల్యాణ్ అండ‌, దండా ఉండాల్సిందే అని ఫీలౌతున్నాడు వైవిఎస్ చౌద‌రి.అందుకే మొన్న ఓ సంద‌ర్భంలో నాకు స్ఫూర్తి ఇచ్చింది.. ఇద్దరే ఇద్దరు. ఒక‌రు ఎన్టీఆర్‌, ఇంకొక‌రు ప‌వ‌న్ అని తెగ పొడిడేశాడు. ఇప్పుడు రేయ్ ఆడియో వేడుక‌కు ప‌వ‌న్‌ని ఆహ్వానించాల‌ని భావిస్తున్నాడు. ప‌వ‌న్ వ‌స్తే…. సినిమాకి ప్లస్ అవుతుంద‌ని వైవీఎస్ చౌద‌రి భావిస్తున్నాడు. దానితో పాటు ఈసినిమా ప్రమోష‌న్‌లోనూ ప‌వ‌న్‌ని వాడుకోవాల‌ని తాప‌త్రయ‌ప‌డుతున్నాడు. మ‌రి ప‌వ‌న్ ఈ అభ్యర్థన మ‌న్నిస్తాడా? లేదా? అనేది వేచి చూడాలి.