సాఫ్ట్ వేర్ దిగ్గజం ఇన్ఫోసిస్ కంపెనీకి మహేష్ వెళ్ళనున్నాడట. ఇదేంటి మహేష్ కి ఆ కంపెనీలో ఏం పని అనుకుంటున్నారా? కంపెనీకి వెళ్తున్నారు కానీ అక్కడ పని చేయడానికి కాదు.. అక్కడ జరిగే ఓ మహిళా కార్యక్రమానికి ముఖ్య అతిధిగా వెళ్తున్నాడు. మహేష్ కొంత కాలంగా తనకు డబ్బులొచ్చే ప్రకటనలతో పాటు సమాజానికి సంబందించిన కొన్ని ప్రకటనలలో కూడా నటిస్తున్న సంగతి తెలిసిందే.
మహేష్ గతంలో బాలీవుడ్ యాక్టర్ ఫరహాన్ అక్తర్ రూపొందించిన ‘మర్డ్’ సామాజిక కార్యక్రమ ప్రచార చిత్రానికి తెలుగులో మహేష్ వాయిస్ ఓవర్ ఇచ్చాడు. మహిళల హక్కుల గురించి.. బధ్రత గురించి అవగాహన కలిగిస్తూ మహిళల పట్ల గౌరవం చూపించమని ప్రచార గీతంలో చూపించగా.. ఇప్పుడు ఆ సంస్థకు సంబంధించిన ఓ కార్యక్రమం ఇన్ఫోసిస్ క్యాంపస్ లో జరుగుతుంది.
మార్చి8న అంతర్జాతీయ మహిళా దినోత్సవ సందర్భంగా హైదరాబాద్ గచ్చిబౌలి క్యాంపస్ లో జరగబోతున్న ఈ సెమినార్ కు మహేష్ బాబు ముఖ్య అతిధిగా హాజరుకానున్నారు. ఈ కార్యక్రమానికి అంతర్జాతీయ వ్యక్తులు కూడా హాజరుకానుండగా.. ఎక్కడైనా కొద్దికొద్దిగా మాట్లాడే మహేష్ ఇక్కడ ఎలా మాట్లాడతాడోనని ఓ ఆసక్తిగా మారింది
No comments:
Post a Comment